روح ِتعلیم کی حفاظت؛علم، تواضع اور اخلاق 

درج ذیل حدیث پر غور کرنے کی مناسبت: 9 ستمبر: تعلیم کو حملوں سے محفوظ رکھنے کا عالمی دن ۔

مقدمہ

تعلیم کا تحفظ صرف اسکولوں کی عمارتوں اور کلاس رومز کی حفاظت کا نام نہیں، بلکہ اس کا مطلب سیکھنے اور سکھانے کی بنیادی اقدار کی حفاظت بھی ہے؛ ایسی اقدار جیسے احترام، تواضع، نیت کی پاکیزگی، احساسِ ذمہ داری اور دوسروں سے سیکھنے کے لئے  آمادگی۔

اسی تناظر میں امیرالمؤمنین حضرت علیؑ کا ایک نہایت خوب صورت فرمان، تعلیم کے شعبے سے وابستہ ہر شخص کے لئے  ایک قیمتی سبق پیش کرتا ہے:

امام علی علیہ السلام فرماتے ہیں:

«تَوَاضَعُوا لِمَنْ تَتَعَلَّمُونَ مِنْهُ اَلْعِلْمَ وَ لِمَنْ تُعَلِّمُونَهُ وَ لاَ تَكُونُوا مِنْ جَبَابِرَةِ اَلْعُلَمَاءِ فَلاَ يَقُومُ جَهْلُكُمْ بِعِلْمِكُمْ»

’’جن لوگوں سے تم علم حاصل کرتے ہو، ان کے سامنے بھی تواضع اختیار کرو، اور جنہیں تم علم سکھاتے ہو، ان کے ساتھ بھی فروتنی سے پیش آؤ۔ متکبر اور جابر علماء میں سے نہ بنو، کیونکہ تمہاری جہالت کو تمہارا علم درست نہیں کر سکتا۔‘‘

(غرر الحکم و درر الکلم، جلد 1، ص 321)

نوجوانوں کے لئے  اس حدیث کے تربیتی پیغامات 

1۔ اپنے اساتذہ کے سامنے متواضع رہیں

اپنے اساتذہ، والدین اور ہر اس شخص کے ساتھ احترام اور تواضع سے پیش آئیں جس سے آپ کچھ سیکھتے ہیں۔

عملی مشق:
اس ہفتے کسی ایک شخص کا خاص طور پر اس چیز کے لئے  شکریہ ادا کریں جو اس نے آپ کو سکھائی ہے۔

2۔ دوسروں کو سکھاتے وقت بھی متواضع رہیں

اگر آپ کسی کو کچھ سکھا رہے ہیں تو اس کے ساتھ بھی اسی احترام اور تواضع سے پیش آئیں جس کی آپ خود دوسروں سے توقع کرتے ہیں۔

عملی مشق:
اس ہفتے کسی شخص کو کوئی چیز سیکھنے میں مدد دیں، لیکن ایسا انداز اختیار نہ کریں جس سے اسے یہ محسوس ہو کہ آپ خود کو اس سے بہتر سمجھتے ہیں۔

3۔ علم اور حکمت ایک چیز نہیں ہیں

زیادہ معلومات یا اعلیٰ تعلیمی اسناد رکھنے کا لازماً یہ مطلب نہیں کہ انسان اخلاقی طور پر بھی زیادہ بہتر، سمجھ دار یا دانا ہے۔

عملی مشق:
اس ہفتے کسی ایسے شخص میں ایک اچھی اور قابلِ قدر صفت تلاش کریں جو تعلیمی اعتبار سے شاید آپ سے کم علم رکھتا ہو۔

4۔ اپنے علم کو خدمت کے لئے  استعمال کریں، دوسروں پر قابو پانے کے لئے  نہیں

جو کچھ آپ جانتے ہیں، اسے دوسروں کی مدد اور خدمت کے لئے  استعمال کریں، نہ کہ ان پر برتری یا تسلط قائم کرنے کے لئے ۔

عملی مشق:
اس ہفتے اپنی کسی مہارت کو کسی دوسرے شخص کا مسئلہ حل کرنے کے لئے  استعمال کریں، اور بدلے میں کسی چیز کی توقع نہ رکھیں۔

5۔ خوش اخلاق طالب علم بنیں

نامناسب رویّہ اور خراب اخلاق، بہت زیادہ علم اور مہارت کی قدر و اعتبار کو بھی کم کر سکتے ہیں۔

عملی مشق:
اس ہفتے جب آپ غصے میں ہوں تو بولنے سے پہلے چند لمحے رکیں اور احترام پر مبنی الفاظ کا انتخاب کریں۔

6۔ علمی اور فکری غرور سے بچیں

کبھی اپنے علم کو اس بات کا سبب نہ بننے دیں کہ آپ خود کو دوسروں سے برتر سمجھنے لگیں۔

عملی مشق:
جب کسی گفتگو میں آپ کو صحیح جواب معلوم ہو تو اپنی رائے بیان کرنے سے پہلے کسی دوسرے شخص کا نقطۂ نظر بھی غور سے سنیں۔

7۔ اپنے سے مختلف لوگوں سے بھی سیکھیں

کسی شخص کے لئے  یہ ضروری نہیں کہ وہ آپ ہی کی عمر کا ہو، آپ جیسا پس منظر رکھتا ہو یا آپ ہی کی طرح سوچتا ہو تاکہ وہ آپ کو کوئی قیمتی بات سکھا سکے۔

عملی مشق:
اس ہفتے کسی ایسے شخص کے ساتھ احترام پر مبنی گفتگو کریں جس کا تجربہ یا نقطۂ نظر آپ سے مختلف ہو، اور دیکھیں کہ آپ اس سے کیا سیکھ سکتے ہیں۔

والدین کے لئے   حدیث کے تربیتی پیغامات 

1۔ تعلیمی کامیابی کو ضرورت سے زیادہ اہم نہ بنائیں

اپنے بچوں کو تعلیم حاصل کرنے کی ترغیب ضرور دیں، لیکن یہ یاد رکھیں کہ ایمان، انسانیت، ضمیر اور اچھا اخلاق صرف تعلیمی اسناد اور کامیابیوں سے کہیں زیادہ اہم ہیں۔

عملی مشق:
اس ہفتے اپنے بچے کی کسی دیانت دارانہ، مہربان یا ذمہ دارانہ بات یا عمل کی خاص طور پر تعریف کریں، صرف تعلیمی کامیابی پر ہی اس کی تعریف نہ کریں۔

2۔ اپنے سابق اساتذہ کے لئے   تواضع اور شکرگزاری باقی رکھیں

برسوں گزر جانے کے بعد بھی ان اساتذہ کے لئے   شکر گزار اور متواضع رہیں جن سے آپ نے کچھ سیکھا ہے۔

عملی مشق:
اس ہفتے اپنے کسی سابق استاد سے رابطہ کریں، یا کم از کم انہیں یاد کریں، اور اس بات پر ان کا شکریہ ادا کریں جو انہوں نے آپ کو سکھائی۔

3۔ بچوں کی تربیت میں تواضع اختیار کریں

یہ درست ہے کہ والدین اپنے بچوں کو بہت سی باتیں سکھاتے ہیں، لیکن یہ کام بھی تواضع اور فروتنی کے ساتھ ہونا چاہلئے ۔

عملی مشق:
اس ہفتے گھر کے ماحول میں اپنے کسی ایک تکبر آمیز جملے یا رولئے  کو شعوری طور پر ترک کرنے کی کوشش کریں۔

4۔ احساسِ کمزوری کے بغیر اپنے بچوں سے بھی سیکھیں

جن لوگوں سے ہم سیکھتے ہیں، ان کے سامنے تواضع کا حکم ہمارے بچوں کو بھی شامل ہے۔ اگر آپ اپنے بچوں سے نئی بات سیکھنے کے لئے   تیار ہوں تو اس سے ان کا اعتمادِ نفس بھی بڑھے گا اور آپ کا خاندانی تعلق بھی مضبوط ہو گا۔

عملی مشق:
اپنے بچے سے کہیں کہ وہ آپ کو کوئی ایسی چیز سکھائے جسے وہ اچھی طرح جانتا ہو، اور اسے بار بار درست کلئے  بغیر پوری توجہ سے سنیں۔

5۔ اپنی نصیحت کو اپنے رولئے  سے بے اثر نہ ہونے دیں

غصہ، بے صبری اور نامناسب رویّہ آپ کے قیمتی علم اور زندگی کے تجربے کو بچے کی نظر میں بے اثر بنا سکتا ہے۔

عملی مشق:
اگلی مرتبہ جب آپ کا بچہ کوئی غلطی کرے تو غصے میں ردِعمل دینے کے بجائے سکون کے ساتھ اس کی رہنمائی اور اصلاح کریں۔

6۔ نصیحت سے پہلے سنیں

جو والدین توجہ سے سنتے ہیں، وہ اپنے بچوں کو عملی طور پر یہ سکھاتے ہیں کہ سیکھنے کا عمل یک طرفہ نہیں بلکہ دو طرفہ بھی ہو سکتا ہے۔

عملی مشق:
اس ہفتے دس منٹ صرف اپنے بچے کی بات سننے کے لئے   مختص کریں؛ نہ اس کی بات کاٹیں، نہ فوراً اسے درست کریں اور نہ ہی فوری نصیحت شروع کریں۔

7۔ اپنے تجربے کو ہتھیار نہ بنائیں

زیادہ عمر اور زیادہ تجربہ رکھنے کا مطلب یہ نہیں کہ آپ کی ہر رائے خود بخود درست ہو جاتی ہے۔

عملی مشق:
کسی خاندانی اختلاف میں یہ کہنے کے بجائے کہ ’’میں تمہارا باپ/ماں ہوں، اس لئے   میں بہتر جانتا/جانتی ہوں‘‘، اپنی بات کی وجوہات بیان کریں اور اپنے بچے کی رائے بھی دریافت کریں۔

ائمۂ جماعت اور اساتذہ کے لئے   حدیث کے تربیتی پیغامات 

1۔ حکمت اور تعلیمی اسناد کے درمیان فرق واضح کریں

لوگوں کو یہ سمجھنے میں مدد دیں کہ حقیقی حکمت صرف معلومات یا تعلیمی اسناد حاصل کرنے سے کہیں زیادہ اہم ہے۔

عملی مشق:
اپنی اگلی تقریر یا درس میں ایک سادہ مثال دیں جو یہ واضح کرے کہ علم کس طرح حکمت اور نیک عمل میں تبدیل ہونا چاہلئے ۔

2۔ لوگوں کے سامنے متواضع رہیں

اپنے مخاطبین اور معاشرے کے لوگوں کے ساتھ تواضع، احترام اور عزت و وقار کے ساتھ پیش آئیں۔

عملی مشق:
اپنی اگلی تقریر کے بعد چند منٹ لوگوں کی باتیں پوری توجہ سے سنیں، بغیر اس کوشش کے کہ فوراً انہیں متاثر کریں یا ان کی اصلاح شروع کر دیں۔

3۔ دوسرے شعبوں کے ماہرین کے سامنے بھی تواضع اختیار کریں

مختلف علمی شعبوں کے ماہرین کا احترام کریں، ان سے سیکھیں اور اپنے علم و تخصص کی حدود کو پہچانیں۔

عملی مشق:
اپنے تخصص سے باہر کسی موضوع پر عوامی طور پر گفتگو کرنے سے پہلے، اس شعبے کے کسی مستند اور اہل ماہر سے مشورہ کریں۔

4۔ اچھے اخلاق کو دینی تعلیم کی قوت بنائیں

بے صبری، سخت لہجہ اور نامناسب رویّہ گہرے ترین دینی علم کے اثر کو بھی کمزور کر سکتا ہے۔ بعض اوقات ایک عالمِ دین کا کردار اس کی تقریروں سے کہیں زیادہ مؤثر ہوتا ہے۔

عملی مشق:
ایک ہفتے تک شعوری طور پر ہر مشکل گفتگو اور تعلق میں صبر اور نرم لہجے کی مشق کریں۔

5۔ تنقید کا خیرمقدم کریں اور جواب دہ رہیں

مخلصانہ تنقید کو قبول کریں اور اپنی غلطیوں کی کھلے دل سے اصلاح کریں، کیونکہ تواضع اور جواب دہی عوامی اعتماد حاصل کرنے کے مضبوط ترین ذرائع میں سے ہیں۔

عملی مشق:
اس ہفتے کسی قابلِ اعتماد شخص سے پوچھیں:

’’کیا میرے رولئے  میں کوئی ایسی بات ہے جسے مجھے درست کرنا چاہلئے ؟‘‘

پھر دفاعی یا توجیہی انداز اختیار کلئے  بغیر اس کی بات سنیں۔

6۔ سوال کرنے کی حوصلہ افزائی کریں

لوگ اس وقت بہتر سیکھتے ہیں جب انہیں یہ احساس ہو کہ وہ محفوظ ماحول میں ہیں اور بلا جھجھک کہہ سکتے ہیں:

’’مجھے سمجھ نہیں آیا‘‘ یا ’’میرا ایک سوال ہے۔‘‘

عملی مشق:
اپنے اگلے تعلیمی پروگرام میں واضح طور پر لوگوں کو سوال پوچھنے کی دعوت دیں، اور کم از کم ایک شخص کا سوال کرنے پر شکریہ ادا کریں، خواہ اس کا سوال بہت سادہ ہی کیوں نہ ہو۔

7۔ طالب علم یا سیکھنے والے کو کبھی تحقیر نہ کریں

کسی شخص کی غلطی کی اصلاح کا مقصد اس کے علم اور فہم میں اضافہ ہونا چاہلئے ، نہ کہ اس کے اعتمادِ نفس یا عزتِ نفس کو نقصان پہنچانا۔

عملی مشق:
ایک ہفتے تک حتی الامکان طلبہ یا سیکھنے والوں کی عوامی طور پر اصلاح سے گریز کریں۔ اگر نجی اور احترام پر مبنی اصلاح زیادہ مفید ہو تو وہی طریقہ اختیار کریں۔

8۔ خود بھی سیکھتے رہیں

دوسروں کو تعلیم دینے کا یہ مطلب نہیں کہ آپ خود اب سیکھنے والے نہیں رہے۔

عملی مشق:
اپنے معمول کے شعبۂ تخصص سے باہر کوئی موضوع منتخب کریں اور اس ہفتے کم از کم 30 منٹ کسی ایسے شخص سے سیکھیں جو اس موضوع میں آپ سے زیادہ جانتا ہو۔

9۔ اپنے علم کی حدود کو تسلیم کریں

’’میں نہیں جانتا‘‘ کہنا بعض اوقات ایک استاد یا امام کی طرف سے دیا جانے والا سب سے طاقت ور تربیتی سبق بن سکتا ہے۔

عملی مشق:
اگلی مرتبہ جب آپ سے ایسا سوال پوچھا جائے جس کا جواب آپ یقین کے ساتھ نہ دے سکیں تو اندازہ نہ لگائیں۔ صاف کہیں کہ آپ کو اس موضوع کی تحقیق کرنے کی ضرورت ہے، اور پھر معتبر جواب کے ساتھ واپس آئیں۔