بکاؤ مال نہیں: اسلام میں انسانی جسم کی روحانی قدر

اس حدیث پر غور کرنے کی مناسبت:

23 اور 24  اپریل کو، امام امام موسیٰ کاظم (علیہ السلام) کے دو صاحبزادے، حضرت صالح بن موسیٰ اور حضرت احمد بن موسیٰ عرف شاہچراغ کی یاد میں منائی جاتی ہے۔۔ اسی مناسبت سے امام موسیٰ کاظم (علیہ السلام) کی ایک گہری اخلاقی حدیث پر غور کرتے ہیں:

"تمہارے جسموں کی کم سے کم  قیمت جنت ہے پس انہیں اس سے کم چیز کے بدلے  مت بیچو۔”

حضرت امام مُوسَى بنُ جَعفَر عليہ السلام نے فرمایا:
«اِنَّ اَبْدانَكم لَيْسَ لَها ثَمَنٌ اِلاَّ الْجَنَّةُ، فَلا تَبيعُوها بِغَيْرِها»

"تمہارے جسموں کی قیمت جنت کے سوا کچھ نہیں؛ پس انہیں اس کے علاوہ کسی چیز کے بدلے نہ بیچو۔”
(تحف العقول، ص 389)۔

اس حدیث سے اور جوانوں کے لیے تربیتی پیغامات

1۔ جسم کو رضائے الٰہی کے راستے میں استعمال کرنا
اپنی آنکھ، کان، ہاتھ اور تمام صلاحیتیں صرف نیک کاموں میں استعمال کریں۔
عملی چیلنج: آج شعوری طور پر ایک برے کام سے بچیں اور اس کی جگہ  کوئی نیکی کریں۔

2۔ اپنے اعمال کے بارے میں آگاہی
جب تک انسان کو اپنے عمل کا شعور نہ ہو، وہ اصلاح نہیں کر سکتا۔
عملی چیلنج: رات کو 2 منٹ سوچیں: "کیا آج میں نے اپنے جسم کو صحیح استعمال کیا؟”

3۔  جسم کی حقیقی قدر کو سمجھنا
آپ کا جسم سستا نہیں؛ درست استعمال اسے بلند روحانی قدر دیتا ہے۔
عملی چیلنج: تین اچھی عادتیں لکھیں جو آپ کو درست راستے پر رکھیں۔

4۔ وقتی لذت کے بدلے عزّت نہ بیچنا
ایسے کاموں سے بچیں جو وقتی خوشی دیں مگر بعد میں نقصان پہنچائیں۔
عملی چیلنج: ایک بری عادت پہچانیں اور اسے کم کرنے کی کوشش کریں۔

اس حدیث سےوالدین کے لئے تربیتی پیغامات

1۔صرف باتوں سے نہیں، عمل سے نمونہ بننا
اپنے کردار سے بچوں کو سکھائیں کہ جسم کو کیسے صحیح استعمال کیا جاتا ہے۔
عملی چیلنج: آج ایک نیک عمل کریں جو بچے دیکھ سکیں۔

2۔ ماحول اور دوستوں پر نظر
بچوں کو غلط اثرات سے بچائیں۔
عملی چیلنج: بچوں کے دوستوں اور ماحول کا جائزہ لیں۔

3۔ جسم کا احترام سکھانا
بچوں کو سکھائیں کہ جسم اللہ کی امانت ہے۔
عملی چیلنج: گھر میں صحت مند طرزِ زندگی پر بات کریں۔

4۔  بچوں میں احساسِ قدر پیدا کرنا
ان کی قدر کو ظاہری چیزوں کے بجائے اخلاق سے جوڑیں۔
عملی چیلنج: آج بچے کی کسی اچھی صفت کی تعریف کریں۔

اس حدیث سے ائمہ جماعت اور اساتذہ کے لئے پیغامات

1۔ جسم کے درست استعمال کی عملی تعلیم
ہر عضو کو نیکی کے لیے استعمال کرنے کی مثال دیں۔
عملی چیلنج: آنکھ، زبان اور ہاتھ کے صحیح استعمال کی مثال دیں۔

2۔  جسم اور روح کا تعلق
جسم اور روح ایک دوسرے سے جڑے ہوئے ہیں۔
عملی چیلنج: وضاحت کریں کہ نیک اعمال روح اور جسم دونوں کو بہتر بناتے ہیں۔

3۔ جسم  کے غلط استعمال سےہوشیار
گناہ یا نقصان دہ عادات انسان کو نقصان پہنچاتی ہیں۔
عملی چیلنج: ایک مثال دیں کہ چھوٹی غلطی کیسے بڑی عادت بن سکتی ہے۔

4۔  جدید چیلنجز کا مقابلہ
نوجوانوں کو سماجی دباؤ کے مقابلے میں مضبوط بنائیں۔
عملی چیلنج: کسی جدید مسئلے پر گفتگو کریں۔

5۔ ذمہ داری کا احساس پیدا کرنا
ہر عمل سے پہلے اس کے نتیجے پر غور کریں۔
عملی چیلنج: روزمرہ فیصلوں کے لیے ایک سادہ اصول سکھائیں۔